يا طفل يبكي بحرقة يبكى بمرارة وصبيه زينة لله تشكي و للموت بتخطار
ياضحكة وبسمة واحزان رسمة على الخدود دموع مخلوطه بالسواد والحمار
بشوف سفاح اصلة من سفاح بشوف ملوك وزعيم يتهرب بحجج واعازار
بشوف ناس تبكى ولله تشكى وبشوف اللى بيضحك وفرحان بالموت والدمار
بشوف ناس واخدها بجد عايز تمحيها تمحى كل مافيها وكل معالمها وتمحى الاثار
ناس واخدها جد وناس دمعها ع الخد وناس خايفه على المجد وناس وخداها هزار
بشوف ناس بتتفرق وناس بتشرق وناس بتغرب و تتغرب وناس بالطبل والمزمار
وناس للعباده فيها بلاده وناس على الحصر وناس ع السجاده وناس مقضياها زار
فرقوا الخلق عبيد وساده يذل فى دا ويمجد دا بزياده ويخاف ويركع للاشرار
بشوف مساجد فيها المنافق ساجد ومساجد اللى كان فيها ساجد المولى له اخطار
بشوف الحرامى بينباس ومنشال ع الراس والشريف منداس ووجوده اصبح عار
بتشوف بلاد الكفر بتتجمع وبلاد الطهر نجستها بتسمع وامير يتباهى بالدولار
بشوف الحمار بقى مهر بشوف اللى بينشر القهر بشوف انسان عرة وعار
واللى سماه غطاه واللى ربه معاه واللى بيصرخ من الالم والاه بعد هدم الديار
بشوف اللى ساكن فى قصر واللى بينام للعصر واللى الحرير غطاه ولابس تاج الفخار
بشوف الجعان واللى عن ربه سرحان واللى يرفع ايده يترجاه واللى بيه بيستجار
بشوف الظلم طاغى واللى عليهم باغى واللى بيقول اطلعوا من دماغى حتى الاخ و الجار
ليست هناك تعليقات:
إرسال تعليق