الجمعة، 30 ديسمبر 2016
الثلاثاء، 27 ديسمبر 2016
الأربعاء، 21 ديسمبر 2016
الأحد، 18 ديسمبر 2016
السبت، 17 ديسمبر 2016
قالوا الدولار غالى فضحكت وقلت وانا مالى قالوا اصلو بيجيب كل حاجة قولت للدرجادى بقينا كوسالى
فضحكت وقلت وانا مالى
قالوا اصلو بيجيب كل حاجة
قولت للدرجادى بقينا كوسالى
طاب فين ارضنا وزرعنا وخير بلدنا
رد علية حكيم وقال اصلنا يابنى تبعين وللارض والعرض بيعين
واستوردنا الموضة وغيرنا فى الاخلاق غيرنا فى الدين
بقينا يابنى عرايس بتلعبنا ايادى شمال ويمين
لما بقينا يابنى فى بلادنا اغراب تيهين
دارت دماغى ولفت وقولت ايه اللى جرالى
قلت اه وصح احنا اللى لغينا زراعة القمح وزرعنا لب التسالى
نسينا الخبيز بالحطب وخشب الجميز
وبنينينا مصانع للشكلاتة والنداغة وبلدنا اتملت خمور و نبيز
قالولى الدولار غالى
ضحكت وقولت وانا مالى
قالى الحكيم بص على القهاوى وشوف الشباب
وافتكر زمان مع ازان الفجر وفتحت الباب
افتكر طريق قريتك وهو مليان بالخير
بقر وجموس واغنام ومعيز وبيوت عمرانا بالطير
افتكر القطر الطويل من حمول الجمال
افتكر الارز والذرة والحبوب والغلال
افتكر الزير والقولة والسطل من الشدوف بيدلا
وحنية ضهر ابوك ومسكت فاسة
كان عارف ان الارض هى العرض هي اساسة
افتكر القطن وزهوره ولوزه فى بياضة وجمعة
افتكر اغنيتة الفلاحة وهي شيلة الزلعة وبتسقى الشغالة
يابنى والله دا كان خير وقد وعرق بجد مش اشتغالة
قلولى الدولار غالى ضحكت وقولت وانا مالى
واية دخلنا بالدولار واحنا بلد ارض وبحار وانهار
وايد طاهرة وقدرة تزرع وتقلع ومعاها رب العمار
ومن الفجر تسرح وتدعى دعاء البكور
والست تخبز واتكلت المواشى والطيور
وتصلى وتدعى لربها وتطلق البخور
قال الحكيم دا زمن الجده والجدود
اليوم البيت الواحد اصبح له حدود
لا الاخ بقى بيود اخوة ولا امة وابوة
ولوتعب التانى يعمل انه مشموجود
يابنى خلاص اتبدلت الاحوال
عندنا النت وشلنا الجوال
وحيتنا صبحت مشلولة مربوطة باغلال
شيطان بيتحكم فينا نسينا انفسنا نسينا اهلينا
يابنى الضمير بقا مغشوش
والضحكة والبركة راحت م الوشوش
وبقينا تبعين وكسالى
وفضحيتنا بين الام بقيت بجلاله
بنشحت لقمتنا ويتبرعولنا بهدمتنا
بعد ماكنا بنديهم الفضاله
ددلوقت بيعيرونا تعرف لية
علشان بقينا تبعين وكسالى
بص بيقولنا ديما دمصر ام الدنيا وهتبقى قد الدنيا
اسمع يابنى داكلام اعلام وكلة فى البلالى
مصر بتغرق والكل بينت
من المركب والفضيحة هتبقى بجلاله
طاب والعمل ياحكيم
العمل يابنى نرجع للاصل والدين
نتجمع ونبنى ونطعم المسكين
نصلى ونصوم ولبر الامان نجدف ونعوم
ناخد حقنا ونزرع ارضنا
نحمى عرضنا نئادى واجبنا وفرضنا
ندافع عن الدين والحق ندافع عن مصر امنا
علشان ترجع تانى لنا
بورنا كى يا ارضنا ومنعنا فيك زراعة الحبوب والغلال
وبنينا فيكى سجون ومصانع لصنع السلال والاغلال
فرطنا فى عرضنا وبعنا نيلك بعنا حتى حبات الرمال
والله الحياة متهمنا قد مانفديكى وتعلى وتبقى عال العال
وترجعى تانى لينا ويعلى صوت الحق و صيحت الرجال
وتهتف بحبك تهتف بالتكبير والاذان هتاف يزلزل جبال
يزلزل اركان عدوك ويعود شموخك وناكل لقمة حلال
ناكل من زرعك وخيرك ومنعش على الكلاب عوال
نشحت منهم لقمتنا ونتزلل على علاج علتنا يا ام الرجال
يا أم الحضارة والبناء والعمارة والعلم اللى من كتبك انشال
قلنا فراعنة كسرو فروعنة راح شموخنا وبقينا تبعين ازلال
سطر تاريخنا اننا الان امة الجهل امة مضروبة بالنعال
سطر تريخنا اننا الان بيتحكم فينا جاهل بيتحكم ب المال
لو كنت موجود معاية كنت عرفت الحكاية من يوم الخليقة بتنقال انا ابن العم وابن الخال
لو كنت موجود معاية
كنت عرفت الحكاية
من يوم الخليقة بتنقال
انا ابن العم وابن الخال
كنت عرفت ان دمك هو دمى
كنت عرفت ان همك هو همى
ومن غير ماتسال سؤال
لوكنت مسحت المرايا
كنت عرفت من البداية
ومن يوم ما دخل الاحتلال
سرق خيرك وخيرى
كسر طيرك و طيرى
وحطم كل الامال
خلاك يا اخويا جارى
خلاك للغريب شارى
زرع مابنا الفرقة والجيدال
نكسنا رايتنا بايدينا
وفى طريق الشر مشينا
واحنا اللى حققنا له المنال
وبقينا امة الجهل
بعد ماكنا عال العال
بينا الحرام سهل
وما اصعب الحلال
رسموا لينا الخرايط
وقسموا بينا الاوطان
منا الجعان ومنا الزايط
منا السعيد ومنا الزعلان
زرعوا فينا الحقد
زرعو فينا الضلال
فرقوا ما بنا
حربونا فى دينا
انحنى كبيرنا
بزل وازعان
اسودت ايامنا
راحت منا
كل املنا
فى عيشة بكرامة وحلال
كل واملى كرشك
وبالحرير زين فرشك
وانسى اطفال الصومال
البس تاج الكبرياء
عيش حياة السخاء
اخرتك دود ورمال
تغطى جسمانك
انحنى للى خانك
وانسى رب السماء
عيش واسرف فى المال
واشرب الخمور
عيش حياة الفجور
وانسى يوم اللقاء
عيش حياة وسرور
انسى عذاب القبور
انسى الحب والوفاء
عيش واسرف فى المال
اه خابت فيكم الامال
العمر لحظه وبتفوت
راجع نفسك قبل الموت
باب السما مفتوح
ارجع قبل الروح ماتروح
ارجع انا ابن العم وابن الخال
ارجع قبل ما تدوسك ودوسنا النعال
ارجع خليهم يضربوا بينا الامثال
واخيرا بعد كلماتى هذه ادعو الله ان يصلح حال البلاد والعباد وان ينصر الحق واهله وان ينصر الاسلام والمسلمين فى كل مكان وزمان
اللهم اجمع شملنا وألف بين قلوبنا ووحد صفوفنا.. نسألك يا رب أن تخرج الفتنة من بيننا وتسلم أهلنا وتحفظ شبابنا وتحقن دمائنا وتحفظ بلادنا من كل سؤ يا مجيب .. يا مجيب .. استجب لدعائنا.
كلمات صبرى عطافى
يارب زدها كمان وكمان خليها ب لسواد الوان عل طلع وغنى وقال تسلم الايا دى
عل طلع وغنى وقال تسلم الايا دى
سكرولا ملح برشام ودوى للجرح
اصرخ يالا وقول ياناس عايزين فول
رز وعدس وزيت يارتنى مليت البيت
داكله بالبطاقة اقف لو عندك طا قة
واقف ياحلو طبورعلشان تنلها بالدور
ولو مشطا يق يا با با الحر روح اشترى كدا م الحر
وادفع ياحلتها با لزيا ده او حط فى خشمك بيا ده
انت اللى طلعت و فوضت واتسببت فى حبس الست
و سجنت وزير الغلابه
انت اللى طلعت وصوت واتسببت فى موت البنت
وخليت تنهش فينا ديابه
يارب زدها كمان وكمان خليها ب ا لسواد الوان
عل طلع وغنى وقال تسلم الايا دى
رميت فلوسك فى الطرعة خلى نارها فى جسم ترعى
طمعت فى الربح والربا وعيشه حلوه طيبه
بدل متزرع ارضك بيها دلوقتى هتبكى عليها
بعت ارضك ورحت المدينه وعلقت فى البلكونه الزينه
ولبست القميص والبنطلون وقلت علشان الراحة كله يهون
مستنى الربح الزياده اشربها يالا ساده وحط فى خشمك بياده
بعت ارضك وعرضك علشان النت والتلفون
نسيت لبس الجلابيه وجمع القطن وزغروطة الصبيه
وشرب الميه من القله اشترى اللب يلا واتسلى
تسكن فى عمارة او فا لحارة تشرب شيشه ولاسيجاره
و نسيت ازاى تربى التقا وى بعد ما بقيت لم القها وى
يارب زدها كمان وكمان خليها با لسواد الوان
على طلع وغنى وقال تسلم الايا دى
وانت ياللى منعتنى اصلى وقفلت فى وشى المساجد
مين ابقالى مين افضلى القاتل ولا االراكع والساجد
قتلت الالاف وقلت خلى الكل يخا ف واستولى ع الكل
خلتها يا حلو جفا ف وكلبك اللى بيك طا ف بيقول الحيا ة فل
تقوله مفيش سكر ولادوى والجنى فى الاعما ق هوى
والبنزين طار وهتركب حمار يقول دا ع المزاج والهوى
تقوله الدولار بتكله النار يقول ربك عنده الدوى
د البلد هتشحت وتجوع يقول ما تكبرش فى الموضوع
اتمنى يارب اموت جعا ن ومطلعش م الدنيا خصران
ولا اوطى وادنى واخون اهلى وبلادى
يارب زدها كمان وكمان خليها با لسواد الوان
عل طلع وغنى وقال تسلم الايا دى
يارب انا انسان با لزنوب والاخطاء مليان
و الحياة مش جنه وخايف على اولادى
يارب احسن الختام لوسبتها مكون زعلان
حتى لوقال استنى وحمل با لدهب جيادى
الجمعة، 16 ديسمبر 2016
ياظلم زيد زيد اتولدنا فيك ومفيش جديد
مولود بالجوع تعبان جربوع لعيد ميلاد ولا حتى سبوع
ياظلم زيد زيد اتولدنا فيك ومفيش جديد
قولنا ثورة كشفت عورة قولنا رئيس يجى بالدور ياخد دورة
قلبو الساعة ولفو العقرب بالمقلوب وصرنا بضاعةوالعدو اصبح محبوب
ياظلم زيد زيد اتولدنا فيك ومفيش جديد
قلنا راحة ويزيد الاجر طلعة الراحة ظلم وقباحة ولو مشعجبك سافر بعيد
قل الاجر طال الفَجْرُ وزاد الفُجُر بالطرد والسرقة والتبديد
ياظلم زيد زيد اتولدنا فيك ومفيش جديد
رجعنا فى عهدالحجر وعبادة الاصنام
شل ومات الشجر وتكسرت اقلام
صنعا نا با يدينا اله ركعنا له سجدنا له دعينا له بعمر مديد
وبعد ما صنعنا ه رجعنا نترجاه با لدمع و الزل وبوس الايد
وصرخنا صرخة من سعر الفرخة واللحمة اللى مابتنشفش غير فى العيد
وسعر المش وتاجر يغش وطبق فول يستوردو غول يكسب ويملى الكرش
ياظلم زيد اتولدنا فيك ومفيش جديد
ياخوفى على رغيف العيش اصحى الصبح يقولى مفيش
وكيلو سكر احلم به وافكر وازازة زيت تكون فى البيت
وطفل يدوريلف و من الجوع جلده يجف
يمرض يموت وعدد يخف
ياظلم زيد ياظلم زيد اتولدنا فيك ومفيش جديد
مولود بالجوع تعبان جربوع لعيد ميلاد ولا حتى سبوع
قالو علينا شباب فرشولنا الارض بالورد ونورونا الشموع
طلعة الشموع نار بتحرق وللايام الحلوة تسرق
وبعد الفرح صار بكى ودموع
قعدين فى البيوت مستنين تابوت يسجل عددنا فى الموت
والطبله والزغروطه ويغنوا تسلم الايادى
والعجزه يهلليلو يولولو ومشفحلين غير فى التعديد
ياظلم زيد ياظلم زيد اتولدنا فيك ومفيش جديد
عيشوا ع الشموع اتعودو ع الجوع
اتعودو ع الجوع
حضور قرص الجله
دا كانت ايامها فله
بس بتسبب دموع
وارجع تانى للقله
والتراب والتوبه للحله
ياريت كلامنا كان مسموع
ارجع تانى للقبقاب
دكان بينفع وقت العركه
وبدل العربية والباب
الجمال قدامك بركه
اركبها واشرب لبنها
ياريت يرجع زمنها
حضر يلا الركوبه
او امشى وطلع الرطوبه
وارجع تانى للمزياع
ارجع للذمان اللى ضاع
طاطى ياواطى اركع ونخ
طاطى بزل بوس الايادى
طاطى مهما تطاطى ربك هوالعاطى
ليه تركع وتنخ ولا تخاف م ا لبخ
دالرصاص فى الصدور طخ
وراح منى افضل اولادى
عيش بزل وازعان وساند اللى خان
بلاش كسل وبلاده انت تاج راسك بياده
قفلت علية بابى سرقوا اعز احبابى
صرخت وقلت انا البادى
الرصا ص فيا طخ
قلت لاهلى مين يساند لقيت الكل بيعاند
والبخل زاد والخيرشح
هوليه البركان خامد
ولا علشان الاعلام جامد
والشيخ اللى خلى الغلط صح
متعملش فيها راجل
وتاخدها عفيه وبا لدراع
ومتعملش فيها مناضل فاضل
وتخوفنى باللى بلطج واللى صاع
ولا تفكر انى راضى
على ظلم القاضى
بكره تيجى بجد تمسح الرعاع
بكرة تيجى بجد ترجع اللى ضاع
يامحمد يا اجمل نبى يا اعظم رسول
يامحمد يا اجمل نبى يا اعظم رسول
بدرونورشمس وقمر نسب واصول
حليم صبور قوى جَسُور امين عُدُول
صعب رسمك اعشق وصفك تذهل عقول
فكل خطوه اخطيها اصلى اصلى واقول
الف صلى الف سلام على اجمل نبى واعظم رسول
نورك فى الدنيا انتشر
صلى عليك الله
صلى عليك البشر
صلت عليك ملائكه
صلت وراك انبياء ورسل
صلى الله على محمد صلى الله علية وسلم
بدر ونور شمس وقمر نسب واصول
حليم صبور قوى جَسُور امين عُدُول
فى يوم ميلادك الرب زادك نور وسرور
رفع شانك ساب علامة نصرة للبيت المعمور
يوم ميلادك ركع فيل وعدوا لله مات ذليل
رماه الله بغضب وبلاه وبعث فى سماه طير ابابيل
حرقه وكواه بحجارة من سجيل
ساب الله دليل فى سماه قمر منور وليل عليل
بدرونورشمس وقمر نسب واصول
حليم صبور قوى جَسُور امين عُدُول
صلى الله على محمد صلى الله عليه وسلم
يامحمد يا اجمل نبى واعظم رسول
زفة بشرى ميلادك الطير بالتغريد
وكل الخلائق بالتسبيح والتهليل والتحميد
رفعوا فى الصوت وزادو فى الترديد
صلى الله على محمد صلى الله عليه وسلم
يا محمد يا اجمل نبى واعظم رسول
نورت النجوم بـالفرح والهنا لفت ودارت
من هنا لهنا وعلى مكان ميلادك اشارت
هنا اجمل نبى هنا اجمل رسول
يابشر غنو وهنو وزفو يوم ميلاده بالطبول
زيدو فى التهيل والتكبير
داجمل نبى واعظم رسول
صلى الله على محمد صلى الله عليه وسلم
يامحمد يا اجمل نبى واعظم رسول
صلى الله على محمد صلى الله عليه وسلم
كلمات اخوكم فى الله صبرى عطافى
كل عام وحضرتكم جميعا بخير بمناسبة مولد النبى صلى الله علية وسلم وعلى اله واصحابة وكل التابعين الى يوم الدين
اه ياحلب
اه يا حلب يا بسمة طفل تحت الركام مدفون اه يا حلب يا دمعة حزن وموت وهموم
مين البادى مين يجود ب الرمى والقتل والجنون تعزف ايادى بصوت البرود وعدو يطير يحوم
اه يا بلادى على مين انادى ومين يحمى ويصون اه يابلادى من كثرة الاعادى ومنع السجود والصوم
ارضك رواها الدم وبيوتك صارت سجون عرضك شال الهم وبناتك من نور لغيوم
شوفى اللى اغتنى وشوفى اللى فنى والمحزون اشهدى يا سما اشهدى يا انا اشهدى يا نجوم
اشهد يا الله ع الصراخ والاه ودمع العيون اشهد يا الله على النار كوياه مات مغموم
وعللى من كاس الزل شرب ورضى ان يكون عبد سلاسل سحباه وفى الوحل يغطس ويعوم
يعد كام معاه ولسه عايز يعد كام مليون يعد كام معاه وعايز لسة تانى من المعلوم
اشهد يا الله بعدد التنهيده والاه ودمع العيون على عجز المسلمين والعرب وعلى رمى اللوم
وحلب بتنحرق وهدم وخراب بايد ملعون وارواح بتنسرق وكافر يدعو يارب يدوم
اه يا حلب يا نجمة ضيعة فى وسط الكون اه يا حلب يا صرخة صوت مكتوم
اه يا حلب يا بسمة طفل تحت الركام مدفون اه يا حلب يا دمعة حزن وموت وهموم
الاشتراك في:
التعليقات (Atom)